《有樓萬事足》首集率先睇 Seasun 金句大晒冷

休閒消費

發布時間： 2017/02/20 16:13

最後更新： 2017/02/20 16:13

未播已在坊間掀起迴響的《有樓萬事足》，今晚播映第一集作為導言，先讓多位素人被訪者，以及吳業坤、張秀文逐一亮相講幾句，其中最出位自然是「惹火」Seasun 句句啜核，聽完當得啖笑囉，毋須太認真。

首集主題是「有樓有真愛」，相對 Seasun 宇宙級拜金，難得有個踏實港女 Inky 作 counterexample，她靠自己的洪荒之力終儲到 100 萬於前年成功上車，現在「有樓招親」，窩在蝸居內憧憬有責任感的真命天子快些出現。港男，還等甚麼？

兩個女生的個案，金句多蘿蘿如下：

Seasun（鄧湤鉮）

如果冇樓就唔好白撞。

要追我梗係要有誠意，準則就是要有一層樓，是表達愛的方法。

有樓女人先有高潮。

有高潮先易有 BB，在安穩的環境下陀 B 也是好事，畀到女人好大安心。

如要生 BB，一間屋唔大唔細，舒服的最好要有 2,000 呎，例如何文田恆信苑呢類舊樓就最好。（地產經紀指：至少要 1,000 萬首期）幾多錢唔係問題吖，都唔係我畀！

▲ Seasun言論很爆，不少人都側目，一層樓所代表的價值，真是人人不同。（圖片提供：TVB）

我就可以在愛巢整甜品，然後問男伴：要 dessert 定要我呢？

公猴都有一個定律，就是條件好的公猴，一定有個洞穴，如果個洞穴太細，母猴入咗去之後，公猴又點樣入呢？

（如果男方有樓但多女埋身呢？）唔介意，好嘢梗係多人爭，唔好嘅送畀你都唔要啦！我信任香港的一夫一妻制，我係 XXX 太太，點都會有一定保障。

Inky（謝雅櫻）

▲ Inky形容自己傳統，投資都投資在磚頭。（圖片提供：TVB）

冇樓？唔緊要，我有嘛！能保護一個女人才是男人。

搏命做兼職賺錢、儲錢，做到十幾歲已經有五十肩！

覺得自己賺錢交學費好有成功感，開心過全級考第三。

儲錢靠『慳』，秘訣就是『餓字訣』：自己煮慳好多，一煲湯可頂半日肚，又唔使恰眼瞓，餓住做嘢更有存在感。

蝸居雖然舊舊哋，但相信合二人之力可以有更美好的將來。

▲ Inky個案正顯示了，要買樓就要好好計劃及儲蓄，並且切實執行，沒有捷徑。（圖片提供：TVB）

撰文 : Kristy TOPick 記者

相關文章